你搞著我都可以忍
雖則我都忍唔住出左好多次聲
但搞著我個仔勢係假！！！
有仇必報呀！！
#投稿023
//
我住黃大仙，BB一歲幾，佢一直都冇皮膚問題，但喺8月頭嗰次催淚彈放題之後，BB啲皮膚就紅紅腫腫都好唔返！
件事發生之後第一日，我仲以為BB少少紅應該會好快退，點知第二日反而乜都發晒出嚟，所以我即刻帶佢去睇醫生。醫生畀左啲藥膏我，話應該好快冇事，點知之後幾日，退左少少又發返，好返啲再嚟過，由原本得頸位有，到後來背脊、肚仔、手腳都有！我再帶佢去睇醫生，醫生話佢都好難做到啲咩，只能夠等佢慢慢消，同埋盡量將屋企所有嘢消毒清潔……
或者你會問我點解發生咁嘅事都帶BB出街？Sorry！我想講我哋全日都喺屋企！但就算閂晒門窗，都一樣聞到少少攻鼻嘅味，聽返啲鄰居講，嗰日啲煙多到白色一團團咁飄入電梯大堂，肯定入晒屋啦！大佬，民居嚟架，使唔使落重本放彈呀？催淚彈入面驗到有山埃同芥子氣呀！BB咁細個吸到會點呀？毒嚟架，致癌物嚟架，打仗先會用架！短期傷害已經咁，長期禍害更加難以估計！
而家個個星期啲催淚彈都係咁放，有人又放、冇人又放，仲要下下都走入民居放，成個香港都係毒，根本已經唔係為咗驅散示威者！呢個軍警政權，根本就係要向我地報仇、要謀殺香港人！為左小朋友，我地一定要諗下有咩方法救番香港！
//
***有任何心路歷程想分享，歡迎Inbox投稿，一齊港中產‧講感受！
#港中產講感受
Search